خطبة برهوم ..... والنظرة الشرعية ... الثاني

كما وعدناكم بانزال الجزء الثاني من قصتي مع الخطوبه

هانذا اطرح لكم بقية معاناتي بين ايديكم

خطبة برهوم ..... والنظرة الشرعية ... الاول من هنا

على العموم بعد ان فشلت محاولاتي في الخطوبه مدري الخطبه ( لو اني متقدم على خطبة في جامع الصالح كانوا سمحوا لي )

وقررت ان احل مشكلة العنوسه الي انا متسبب فيها (لا حد يصدق) و ان اترك امر خطوبتي بيد الوالده الله يحفظها

رحت للوالده وقلتلها انا بدي اتزوج

الا وهي تقول يابو برهوم تعال اسمع ابنك ما يقول

الا ويجي الوالد ويقول خير ان شاء الله ويش في

قالت لي الوالده قول لابوك وش تبي

نزلت راسي وانا مستحي وما قدرت اقول له شئ
قال وش فيك يابرهوم قول وش تبي وانا تراني سامعك

قلت يابه انا بدي زواجه الا وهو يخبطنا بذيك العصا الي كان مجهزها لها الحاجات وقال لعنبوا ابليسك يالي ما تستحي

انت اكبر واعقل بعدين تعال نزوجك اما وانت صايع ضايع تحرم عليك الزواجه

وانا زعلت هذيك الزعله الخونفشاريه ( عاد انتم شوفوا لكم مترجم لها الكلمه واظن بتلاقوا ترجمتها في كتاب الصقرق)
ورحت غرفتي وجلست ابكي قليل لان ابوي كسر مشاعري ( لو انه مكسر باب البيت مش كان احسن له )

المهم وانا افكر وقلت والله لو كان عرف بقصة محاولاتي للخطوبه المره الاولى كان يقتلنا

ومرت هذيك الليله طويله وانا ما جاني نوم وجلست افكر في الحل

وقبل اذان الفجر جاني الفرج وتذكرت صديقي ( شنبوص ) وقلت في نفسي مالها الا شنبوص

ويوم جيت طالع من الباب الا والوالد خارج رايح يصلي الفجر واول ماشافنا فرح وقال الحمدلله ان ولدي اليوم رايح يصلي ربنا هداه ما يدري اننا رايح لشنبوص ادور حل له هو وامي

المهم ويوم وصلت بجنب بيت شنبوص الا وادق الباب ( طق طق طق طق )

مين الي جاي في هالوقت
افتح انا برهوم يا شنبوص

ويش الي جايبك هذا الوقت يا برهوم

جيتك في مشكله تكفى شوف لي حل

الا وهو يشفط هذيك الشفطه من الكاكو الي كان في يده ويقول هب لك شفطه قلت ويش هو ذا قال هذا شوكلاته

قلت في نفسي يمكن شوكلاته نوع جديد

الا واشفط ذيك الشفطه واحس راسي يدور
واقوله حشيش يالخايس وتقول شكولاته .. قال علشان تركز معي
الان قل لي وش قصتك
قلت له قصتي كلها
واقول له الان شوف لي حل قال لا تشيل هم مشكلتك بسيطه (مسوي فيها كوفي عنان)
قلت ويش اسوي تكفى

قال يابرهوم ماعندك الا تجلس عندي كم يوم وبعدين ترجع لهم وتقول انك كنت تدور على عروسه

المهم وانا سمعت نصيحة صاحبي وجلست عنده 5 ايام ورجعت الا والوالد مجهز لي هذيك (العصا )

والوالده تبكي وتقول الله يعلم وين كان ولدي ( الام حنونه اينما كانت)

المهم الا هم يسالونا وين كنت وانا اقول لهم كنت ادور على عروسه وما تميت كلمتي الا وانا اشوف ذيك العصا على ظهري تسوي خرايط كأن الوالد كان يشتغل مع جوجل إرث وانا ما ادري

المهم كانت الوالده تفرع لي من الوالد

وبعد ما فرعت لي رحت غرفتي واجت الوالده الله يحفظها وجابت لي ذاك الاكل الطيب الي يحلم شنبوص وامثاله انهم ياكلوه ... لو كان يدري شنبوص بيجيني للبيت .. علشان ياكل مش علشان حاجه ثانيه لانه ما يجي من وراه الا المصايب

المهم الوالده عقدت قمة طارئه مع الوالد حول موضوعي ولا اجتماع مجلس الشيوخ الامريكي

وقرروا يزوجوني ولكن مش عارفين من يزوجوني

المهم واتفقوا انهم يزوجوني شيخة بنت الجيران

وجاني الوالد وقال ترى اتفقنا انا وامك نزوجك

ولقينا لك عروسه قلت بشر يابه من تكون سعيدة الحظ قال تراها شيخة بنت الشيخ شبنجل جارنا

قلت يابه انا ابي واحده اتزوجها مابي رجال قال وش فيك يابرهوم توني اقول لك شيخة تقول لي انا ابي واحده مابي رجال

قلت يابه انت تعرفها قال لا ما اعرفها لكن امك تمدحها قلت يابه انا الي بتزوج مش امي

قال طيب اول شوفها وبعدين قول رايك يابني
قلت يابه انا اعرفها من ايام حرب الطماط يوم ما كنا نلعب ربالات

قال اجل ويش تبي قلت يابه قول للوالده تروح تخطب لي لميس

قال ابوي ومن هذا لميس قلت بن ذاك الرجال الغريب الي سكن في اخر الشارع من كم يوم
المهم ما كملت كلمتي الا والرفس والدكم مش عارف من وين جاني وهو يقول يلعن ابوك يا خايس تعرف لميس بنت الرجال وعاده ما كمل اسبوع ساكن معانا هاه قول لي من وين تعرفها يابرهوم

قلت له انه عرفنا عليها شنبوص وهو ما رحمنا وكمان تمشي مع شنبوص يابن اللذينا وهات ياضرب والوالده ساعتها كانت مو موجوده في البيت ومن راح يفرع لك يابرهوم

المهم .......... بعد هذا الضرب تبون يكون لي نفس اكمل القصة

يالله انتظروا الجزء الثالث مع خطبتي من احدى الفتاتين اما شيخة او لميس